மாவீரர் தோழனுக்காய்..

கனவும் நனவுமாய்ப்போன காலபைரவர்களே
கார்த்திகை நாளில் வணங்குகிறோம் உம் காலடித்தடம் பற்றி
கடலளவு கருணை இல்லாவிடினும்‍‍‍ _சிறு
கடுகளவேனும் நெஞ்சில் ஈரம் கொண்டு

விடுதலை வேட்கையைக் கூட விலைபேசும் மனிதர்கள் மத்தியில்
வீர வரலாறு எழுதினாயேடா தோழா
வீர வரலாறு எழுதினாயே...

தீட்டிய மரத்தில் கூர்பார்க்கும் எமக்காய்
தினம் தினம் சிலுவை சுமந்தாயே தோழா
தினம் தினம் சிலுவை சுமந்தாயே...

உணவுண்ட கோப்பையில் மலங்கழிக்கும்
ஈனமா இனத்திற்காய் உன் இன்னுயிரை ஈய்ந்தாயே தோழா
இன்னுயிரை ஈய்ந்தாயே...

கூடப்பிறந்த சோதரியை கூட்டாக கருவறுக்கும் போது
கூட்டிக்குடுக்கும் கயவர்கள் மத்தியில்
குண்டு சுமந்தாயேடா தோழா
குண்டு சுமந்தாயே...

இரக்கப்பட்டு விடும் கண்ணீரையே
இழிவாகப் பேசுவோர்க்காய்
இரத்தம் சிந்தினாயே தோழா
இரத்தம் சிந்தினாயே...

லாண்ட்குறூசர் முதல் லக்ஸறி வாழ்க்கை தான்
லட்சணம் என வாழும் மனிதர் தம்மில்
லட்சியத்திற்காக உயிரை விட்டாயே தோழா
லட்சியத்திற்காக உயிரை விட்டாயே...

பாழாய்ப்போன இனத்திற்காய் நீ பட்டதெல்லாம் போதும்
மீண்டுமொரு ஜென்மம் இருந்தால் இந்த பாவிகள் மத்தியில்
பிறந்திடாதையடா தோழா
பிறந்திடாதை...

கார்த்திகை 27 மாவீரர் கானம்.

56வது பிறந்தநாள் வாழ்த்து

26.11.2010 அன்று தனது 56வது அகவையில் காலடி எடுத்துவைக்கும்
தமிழீழ தேசியத்தலைவர் மேதகு வே.பிரபாகரன் அவர்களுக்கு எமது இனிய பிறந்தநாள் நல்வாழ்த்துக்கள்.

மாவீரர் நாள் nov-27. 2010

தமிழீழ தேசிய மாவீரர் நாள் நவ. 2010

சுவிஸ் மாவீரர் நாள் 2010

3ம் ஆண்டு நினைவஞ்சலி

3ம் ஆண்டு நினைவஞ்சலி


பிரிகேடியர் சு.ப.தமிழ்ச்செல்வன்

கண்ணீரில் கரையும் கல்லறை தெய்வங்கள்

கருக்கொள்ளும் போதே கல்லறைத்
தெய்வங்களாகக் கடவது என
காலன் சொன்னானோ என்னவோ
கனவுக்காக உயிர்கொடுக்கச் சென்ற
காலத்தின் புதல்வர்களே கார்த்திகை நாளில்
வணங்குகிறோம் உம் காலடித்தடம் பற்றி

கணப்பொழுதும் கண்துஞ்சாது காத்திருந்து
கந்தகம் சுமந்து காவியமான காவிய நாயகர்களை
காசுக்காக விற்றுவிட்டு உங்கள்
கல்லறைகளிலும் வைத்து சில்லறை பார்க்கும்
கார்த்திகை நாளில் வணங்குகிறோம் எம்
இதயத்தின் எங்கோ ஒரு மூலையில் இருக்கும்
சிறு கடுகளவேனும் கருணை கொண்டு

கார்த்திகைப் பூக்களை காலால் நசுக்குவது போல்
கல்லறை தெய்வங்களையும் சிறு
கணப் பொழுதுடன் மறந்துவிடுகிறோம் எம்
களியாட்டங்கள் தொடர்வதற்காய்

விளக்கிலே பட்டு வீழ்ந்துபோகும்
விட்டில்கள் போல உங்கள்
வீரம் விளைந்த விடுதலை வேட்கையும்
வீணர்களால் வீணாய்ப் போய்விட்டதே

உங்கள் பாதம் பட்டு சேதிகள் சொன்ன
பற்றைக்காடுகள் கூட பாசறைப் புலிகளின்
பரிதாபங்கண்டு இரங்கற்பா இசைக்கும்
இதயம் கனத்து...

எங்குபோய்த் தேடுவது எம் குலவிளக்குகளை
கார்த்திகை நாளில் காற்றுக் கூட
கானமிசைக்கும் எம் மாவீரர் நினைவைச் சுமந்து
ஆறுமணிக்கு ஒலிக்கும் ஆலய மணியின் ஓசையில்
உம் ஆன்மாக்களின் துடிப்பு நாதமாய் கேட்கும்

தாயகக்கனவுடன் சாவினைத் தழுவிய சந்தனப்
பேழைகளே பாடல் ஒலிக்கும் போது உயிரைப் பிழியும்
வலியை உணர்ந்தோம் உங்களுக்காய் ஏற்றப்படும்
ஒவ்வொரு தீபமும் எம் உள்ளத்தை உருக்கி
நெருப்பாக்கும் உண்மையை உணர்ந்தோம்

உங்கள் துயிலுமில்லத்தில் பொழியும் மழைகூட
உங்கள் கண்ணீராய் உணர்ந்தோம் அதுவே
எம்மை ஆசீர்வதிப்பதாய் நினைத்தோம் இன்று
அதே மழை நாங்கள் செய்த பாவத்திற்காய்
நீங்கள் வடிக்கும் அமிலமழை போல எம்மை
சாபமிடுவதாய் உணருகிறோம்

பலலட்சம் பேரின் கனவுகளை சிலஆயிரம் பேரில்
சுமத்திவிட்டு உம்மை அந்தரிக்க விட்டுவிட்டு
ஆறுதலாய் இருந்து விட்டோம் இப்போது
அடுத்த வேள்விக்குத் தயாராகிக் கொண்டிருக்கிறோம்
ஆடுகளைத் தேடி பலியிடுவதற்காக

கல்லறை மேனியர்..

வல்லமை தாருங்கள் மாவீரர்களே..

கண்மூடித்தூங்கும் கல்லறைத்தோழா..

மாவீரர் நாள் 2009

மாவீரர் நாள் நினைவு

மாவீரர் நீங்களே..

கல்லறைகள் உங்களுக்காய் செய்தோம்...

தாயகக் கனவுடன் சாவினைத்தழுவிய

எம்மை நினைத்து யாரும் கலங்கக் கூடாது

தங்க தமிழும் தமிழீழ மண்னும் எங்கள் இரு விழிகள் நாங்கள் விடுதலை புலிகள்........

பூமித்தாயே..பூமித்தாயே சிவந்தாயா

ராஜ கோபுரம் எங்கள் தலைவன்

பிரிகேடியர் பால்ராஜ் அண்ணாவின் இறுதி நிகழ்வில் தேசியத்தலைவர்

பொன்னம்மான் பற்றி தலைவர்

நேற்றிரவு பகை தலையில் இடி விழுந்தது...

மண்ணை இன்னும் நேசிப்பவன்